Ish-banorja e Big Brother VIP Kosova, Dolce, është përballur me një sërë spekulimesh në rrjetet sociale gjatë dhe pas qëndrimit të saj në shtëpinë më të famshme në Kosovë.
Mes thashethemeve që qarkulluan më shumë ishte pretendimi se ajo ishte 40 vjeçe dhe se kishte fëmijë, çka shkaktoi diskutime të shumta mes ndjekësve online. Megjithatë, këto zëra u hodhën poshtë pasi emisioni Prive publikoi dokumente që tregonin se Dolce është në fakt 31 vjeçe. Pas daljes nga shtëpia, vetë ish-banorja vendosi të reagojë. Gjatë një bisede me ndjekësit në Instagram, ajo zbuloi se ka lindur më 13 dhjetor 1994 dhe sqaroi gjithashtu se nuk ka fëmijë.
Kur u pyet për arsyen pse në rrjet qarkullonin pretendime të tilla, Dolce i minimizoi duke u përgjigjur shkurt: “Llafe koti.” Me këtë reagim, ish-banorja duket se ka vendosur t’i japë fund njëherë e mirë spekulimeve që kanë qarkulluar për jetën e saj personale.
