Einxhel Shkira ka folur hapur për një nga temat që ka ngjallur më shumë kuriozitet në rrjetet sociale: largimin e disa miqve të saj nga Instagram. Gjatë një interviste në emisionin “Mirëmbrëma Yje”, të moderuar nga Arbana Osmani, ajo u ndal edhe te raportet që dikur konsideroheshin shumë të forta në shoqërinë e saj.
Në fund të vitit që lamë pas, u përfol për një krisje mes grupit të njohur të miqve që deri atëherë dukeshin të pandarë. Bëhet fjalë për raportin e saj me Fjoralba Ponari, Argjira Spanca dhe Graciano Tagani.
Einxhel la të kuptohej se jo çdo miqësi mbetet e njëjtë me kalimin e kohës. Sipas saj, në shoqëri ka edhe zhgënjime dhe ndonjëherë distancimi është zgjedhja më e mirë për të ruajtur qetësinë personale. Edhe pse nuk hyri në detaje për arsyet konkrete të krisjes, deklarata e saj ka rikthyer sërish diskutimet në rrjet për marrëdhënien me ish-miqtë e saj.
