Khloé Kardashian ka zbuluar se po mendon seriozisht mundësinë për të pasur një fëmijë të tretë, edhe nëse kjo do të thotë ta bëjë këtë pa një partner në krah. Ylli i reality show-t foli hapur për këtë ide gjatë podcastit të saj, ku rrëfeu dëshirën për të zgjeruar familjen. Ajo tregoi se në një situatë ideale do të preferonte që kjo të ndodhte brenda një martese të re. Megjithatë, Kardashian pranoi se nuk e përjashton mundësinë që të bëhet sërish nënë edhe e vetme.
“Do të doja të martohesha dhe t’i kisha fëmijët në atë mënyrë, me burrin tim të ri”, u shpreh ajo, duke shtuar se ende ka disa embrione të ngrira dhe po mendon nëse duhet t’i përdorë për të sjellë në jetë një tjetër fëmijë. Aktualisht, ajo është nëna e dy fëmijëve, True dhe Tatum, nga marrëdhënia me ish-partnerin e saj, Tristan Thompson. Kardashian tregoi se vajza e saj mund të përfitonte nga një motër tjetër, ndërsa djali, sipas saj, do të jetë mirë edhe pa një motër shtesë.
Në një moment shumë personal, ajo pranoi se i ka mbetur vetëm një embrion vajzë dhe po mendon seriozisht nëse duhet ta përdorë atë për të realizuar ëndrrën për një fëmijë të tretë.
