Mbrëmja e fundit e Big Brother VIP Albania 5 ka sjellë reagime të shumta, jo vetëm nga publiku, por edhe nga ish-banorë dhe personazhe të njohur. Mes tyre, aktori i humorit Julian Deda ka tërhequr vëmendjen me disa postime ironike në rrjetet sociale.
Ai është ndalur veçanërisht te mënyra se si po trajtohet Selin gjatë spektakleve “Prime”, duke akuzuar hapur opinionistët për një mbështetje të theksuar ndaj saj. “Në të gjithë historinë e Bigut, nuk ka banore më të përkëdhelur nga opinionistët se sa Selin,” shkruan Juli, duke shtuar me ironi se ajo “nuk ka më nevojë të flasë, pasi ka kush flet për të.”
Në vijim, ai ka hedhur edhe dyshime mbi rrjedhën e lojës, duke lënë të kuptohet se fituesi mund të jetë i paracaktuar. “Nuk e di kush do jetë në finale, por kush e fiton, dihet tashmë,” shprehet ai, duke komentuar edhe faktin që në finale pritet të jenë vetëm katër banorë.
Reagimi i tij vjen pas deklaratave të Mirit, i cili ka akuzuar produksionin për favorizim të Selinës. Në fund, Juli ka zgjedhur ta mbyllë me një dozë të fortë sarkazme, duke “shprehur mbështetje” për Selinën dhe madje duke e krahasuar me fitues të mëparshëm:
“Që sot jam vetëm me Selin. Më e mira e të gjitha kohërave… ja kalove edhe Luizit,” shkruan ai, duke e mbyllur me fjalët: “Bravo Selin ‘The Queen’, jepi forca, mbyti të gjithë.”
