Sot shënohet përvjetori i gjashtë i shpalljes së pandemisë së COVID-19 nga Organizata Botërore e Shëndetësisë, një ngjarje që ndryshoi përjetësisht jetën në mbarë botën. Më 11 mars 2020, virusi u shpall si pandemi globale, ndërsa Shqipëria regjistroi rastin e saj të parë, një baba dhe djali që kishin ardhur nga Italia.
Ky moment shënoi fillimin e një periudhe sfidash të jashtëzakonshme: shkolla u mbyllën, lëvizjet u kufizuan, dhe sistemi shëndetësor u vendos në gatishmëri maksimale. Mjekët dhe infermierët ishin në vijën e parë, ndërsa qytetarët përballuan izolim, pasiguri dhe ankth. Vaksinat u bënë arma kryesore për të frenuar pandeminë, duke ulur shtrirjen e sëmundjes dhe humbjet e jetëve. Por procesi i vaksinimit solli gjithashtu debate mbi efektivitetin dhe efektet anësore.
Gjashtë vite më vonë, pandemia mbetet një kujtesë e rëndësishme, një test për gatishmërinë e sistemeve shëndetësore, për solidaritetin njerëzor dhe për rëndësinë e kujdesit ndaj njëri-tjetrit. Marsi kujton se sfidat globale nuk mund të harrohen dhe se bashkimi dhe vetëdija janë çelësi për të përballuar krizave të ardhshme.
