Një studim i realizuar nga OnePoll ka nxjerrë në pah një fenomen interesant në marrëdhëniet moderne, gati gjysma e grave që janë në një lidhje romantike pranojnë se kanë në mendje një partner rezervë.
Sipas anketës, e zhvilluar me 1,000 gra në Mbretërinë e Bashkuar, ky plan B përfshin persona me të cilët ekziston një lidhje emocionale ose histori e mëparshme. Në shumë raste, bëhet fjalë për miq të vjetër që kanë shprehur interes romantik, por edhe për ish-partnerë, kolegë apo të njohur të afërt.
Elementi i përbashkët në këto raste është ndjenja e besimit dhe familjaritetit, si dhe perceptimi se këta persona do të ishin të gatshëm për një lidhje nëse marrëdhënia aktuale do të përfundonte. Studimi, i raportuar nga Mail Online, ngre diskutime mbi mënyrën si njerëzit menaxhojnë sigurinë emocionale dhe alternativat në jetën sentimentale. Megjithatë, ekspertët theksojnë se çdo marrëdhënie mbetet unike dhe se besimi, komunikimi dhe përkushtimi janë faktorët kyç për një lidhje të shëndetshme.
