Pasarela është vetëm gjysma e historisë. Ajo që nuk shihet nga të gjithë është lufta për vendet në rreshtin e parë, të ashtuquajturin “front row”, ku çdo ulëse është një vendim strategjik. Në botën e modës, kush ulet në rreshtin e parë nuk është rastësi. Aty zakonisht vendosen editorët më të fuqishëm të revistave, influencuesit globalë, blerësit kryesorë dhe yjet që përfaqësojnë imazhin e markës.
Çdo ftesë është një mesazh, kush ka ndikim, kush ka fuqi dhe kush mund të ndikojë në suksesin e koleksionit. Vendosja në “front row” shpesh lidhet me marrëdhëniet me brandin, kontratat, apo rëndësinë mediatike të personit. Në fund, moda nuk ka të bëjë vetëm me atë që prezantohet në pasarelë… por edhe me sytë që e shohin dhe zërat që e shpërndajnë në botë.
