Një lajm i pavërtetë për vdekjen e Rozana Radi ka qarkulluar së fundmi në rrjetet sociale, duke shkaktuar shqetësim dhe reagime të shumta.
Postimi, i modifikuar për t’u dukur si lajm nga një faqe e njohur, u përhap me shpejtësi, por rezultoi të ishte një dezinformatë. Vetë këngëtarja dhe moderatorja reagoi menjëherë përmes Instagramit, duke e përgënjeshtruar lajmin dhe duke shprehur indinjatën e saj. “Nuk e di si ju mban toka”, ishte një nga reagimet e saj, duke dënuar ashpër përhapjen e lajmeve të rreme.
Ajo theksoi gjithashtu pasojat që këto përmbajtje mund të kenë për familjarët dhe të afërmit, duke ngritur shqetësimin për përhapjen e “fake news” në rrjet dhe ndikimin negativ që ato sjellin. Rasti i fundit rikthen në vëmendje problemin e dezinformimit online dhe nevojën për më shumë përgjegjësi në shpërndarjen e lajmeve.
