Pas intervistës së dhënë nga Jeton Bollati, i cili u shpreh se nuk është penduar për komentet e tij, ka ardhur reagimi i Roland Hysi. Ai theksoi se familjarët nuk duhet të përfshihen në lojën e banorëve dhe se situata po tejkalon kufijtë e një gare televizive.
Në një lidhje televizive, Landi u shpreh se Miri është duke ndjekur rrugën e tij në lojë dhe po përballet me presione si brenda ashtu edhe jashtë shtëpisë. Sipas tij, nuk ka sens që familjarët të reagojnë publikisht, pasi kjo vetëm sa e rëndon situatën. Ai shtoi se familja e Mirit ka zgjedhur të qëndrojë larg dhe të mos përfshihet në polemika, duke e konsideruar këtë si qasjen e duhur. “Familjarët duhet të largohen nga loja. Familja e Mirit e ka bërë këtë,” – theksoi ai.
Landi gjithashtu bëri të qartë se nuk do t’u përgjigjen deklaratave me të njëjtën mënyrë, duke zgjedhur të shmangin përplasjet publike dhe të mos krijojnë tensione të panevojshme. Situata ka ndezur diskutime të shumta në rrjetet sociale, ndërsa mbetet për t’u parë nëse këto përplasje jashtë shtëpisë do të ndikojnë edhe në dinamikat e lojës brenda Big Brother VIP Albania.
