Rei Manaj rikthehet në vëmendjen e mediave rozë, këtë herë për një zhvillim të ri në jetën e tij personale. Futbollisti i Kombëtares shqiptare duket se ka mbyllur një histori dashurie dhe ka nisur një tjetër.
Pak muaj më parë, ai u shfaq publikisht me partneren e tij në një event jashtë vendit, duke e bërë lidhjen të njohur edhe për ndjekësit në rrjetet sociale. Por mesa duket, marrëdhënia nuk ka vijuar gjatë dhe dyshja i ka dhënë fund në heshtje. Burime pranë lojtarit bëjnë me dije se Manaj ka nisur tashmë një romancë të re me një vajzë të quajtur Arbjona. Thuhet se ata po njihen prej pak kohësh dhe raporti mes tyre po ecën pozitivisht.
Edhe pse vetë futbollisti nuk ka bërë ende një konfirmim publik, disa postime në rrjete sociale kanë mjaftuar për të ngritur dyshime mbi lidhjen e re. Mes angazhimeve në fushën e blertë, duket se Manaj po përjeton edhe një kapitull të ri në jetën sentimentale.
