Xhensila Myrtezaj dhe Ledri Vula janë filmuar duke kaluar kohë shumë pranë njëri-tjetrit në një klub nate në Paris.
Sipas pamjeve që kanë qarkulluar në media, dy artistët janë parë në Circoloco Paris, ku kanë kërcyer, kënduar dhe janë përqafuar gjatë mbrëmjes. Në disa momente ata duken shumë të afërt, gjë që ka shtuar edhe më shumë dyshimet për një raport më shumë sesa profesional mes tyre.
Prej disa kohësh, Ledri dhe Xhensila janë pjesë e të njëjtit menaxhim, atë të Faton Shoshi, ndërsa kanë realizuar edhe disa bashkëpunime muzikore së bashku.
Pas kapitujve të mëparshëm në jetën personale, duket se të dy artistët po shijojnë një periudhë të re. Pamjet e publikuara nga klubi në Paris kanë bërë që fansat të spekulojnë se mes tyre mund të ketë lindur një romancë e re.
