Modelja shqiptare Misse Beqiri (Misse Maloku) rezulton të ketë pasur komunikime me financierin amerikan Jeffrey Epstein, sipas dokumenteve të bëra publike nga autoritetet amerikane.
Sipas shkresave të publikuara nga Departamenti i Drejtësisë, emri i saj përmendet në mbi 200 dokumente, ku një pjesë e materialeve janë të redaktuara, por identiteti i saj mbetet i dukshëm. Kontakti i parë mes tyre daton më 8 shtator 2011, kur Misse i shkroi Epstein në lidhje me një qëndrim të planifikuar në Nju Jork. Nga komunikimet e publikuara kuptohet se mes tyre ka pasur shkëmbime mesazhesh me tone miqësore dhe personale. Takimi i parë mes tyre thuhet se u zhvillua në shtator 2011 në rezidencën e Epstein në Manhattan. Më pas, komunikimi ka vijuar me plane për udhëtime dhe takime në qytete të ndryshme si Milano dhe Paris. Email-et e fundit të publikuara datojnë në mars 2012.
Sot, Misse është 39 vjeçe, nënë e dy fëmijëve dhe ish-bashkëshortja e portierit danez të Manchester United, Anders Lindegaard. Ajo pritet të rikthehet në ekran me formatin Ladies of London: The New Reign, ndërsa dokumentet e publikuara kanë rikthyer vëmendjen mediatike mbi këtë kapitull të së shkuarës së saj.
