Pas polemikave të fundit në Big Brother VIP Albania, ku higjiena personale e Brikenës u kthye në temë diskutimi gjatë Prime, kanë ardhur reagime të shumta nga jashtë shtëpisë. Një nga zërat që ka dalë publikisht në mbrojtje të saj është stilisti i njohur Niko Komani, i cili ka ndarë eksperiencën personale nga bashkëpunimi me të në emisionin Supernova.
“Duke pasur parasysh eksperiencën që kemi pasur me Brikenën në Supernova, mund të them nëse është e pastër apo jo. Brikena gjithmonë ka qenë shumë e rregullt dhe e kujdesshme për veten,” – u shpreh ai. Komani theksoi se ajo jo vetëm që kujdesej për pamjen e saj, por ishte gjithmonë e pastër edhe në detaje, duke përmendur se nuk linte asnjë njollë make-up-i, edhe në sipërfaqe të bardha.
Sipas tij, Brikena ka qenë gjithmonë e kuruar, me flokë të rregullt dhe paraqitje të pastër, duke lënë të kuptohet se akuzat e fundit mund të jenë të ekzagjeruara. Ky reagim vjen si një mbështetje e fortë për banoren, e cila prej ditësh po përballet me kritika dhe komente të ashpra brenda dhe jashtë shtëpisë, duke sjellë një tjetër këndvështrim mbi situatën.
