Fansat e serialit të njohur Hannah Montana kanë marrë një surprizë të veçantë. Këngëtarja dhe aktorja Miley Cyrus ka ndarë trailerin e rikthimit të personazhit që e bëri të famshme, në kuadër të 20-vjetorit të serialit të dashur të Disney.
Në videon e publikuar, Cyrus shfaqet sërish në rolin ikonik të Hannah Montana-s, duke rikthyer nostalgjinë për fansat që u rritën me historinë e adoleshentes që jetonte një jetë të dyfishtë si studente dhe yll muzike.
Seriali u transmetua për herë të parë në vitin 2006 dhe u kthye shpejt në një fenomen global, duke e bërë Miley Cyrus një nga figurat më të njohura të televizionit për të rinjtë. Rikthimi për 20-vjetorin ka ngjallur menjëherë reagime në rrjetet sociale, ku fansat kanë shprehur entuziazmin për të parë sërish personazhin legjendar që shënoi një epokë në televizionin për të rinjtë.
