Banori i Big Brother VIP Kosova, Londrimi, ka dërguar një ftesë publike dhe emocionuese për ish-banorin Gjesti, duke e ftuar të rikthehet për 24 orë në shtëpinë e reality show-t, nëse ata arrijnë deri në finale.
“Gjesti, ky mesazh është për ty. Nëse po e sheh dhe ne shkojmë në finale, dëshira ime më e madhe është që të vish për 24 orë dhe t’i kalosh me ne në këtë shtëpi,” tha Londrimi. Ai pranoi se rikthimi në ambientet e shtëpisë mund të jetë emocionalisht sfidues, duke shtuar me një notë humori: “E di që do të përjetosh sërish disa trauma, por edhe ne po e përjetojmë njësoj. Kështu që të lutem eja, të duam shumë.”
Mesazhi i tij ka ngjallur reagime të shumta mes banorëve dhe publikut, ndërsa gjithë fansat presin të shohin nëse Gjesti do ta pranojë ftesën për një rikthim simbolik në BBV.
