Spektakli i mbrëmshëm i Prime në Big Brother VIP Albania 5 u karakterizua nga emocione të forta dhe tensione të dukshme, sidomos në raportin mes Selin dhe Mirit. Një nga momentet më të forta të natës ishte ndërhyrja e nënës së Selin, e cila i kërkoi vajzës të ndërpriste menjëherë rrugëtimin në lojë.
Megjithatë, pavarësisht presionit emocional, Selin vendosi të mos tërhiqet dhe të vazhdojë garën e saj drejt finales, duke treguar vendosmëri për të çuar deri në fund këtë eksperiencë. Situata brenda shtëpisë ka nxitur reagime të shumta edhe jashtë saj. Landi Hysi, anëtar i grupit të njohur “West Side Family” dhe mik i afërt i Mirit, ka reaguar publikisht në rrjetet sociale, duke i dalë në krah pa hezitim.
Përmes disa postimeve në Instagram, ai ka shprehur mbështetje të fortë për mikun e tij, duke shkruar:
“Më parë vdes se të heq dorë nga Xhiku që s’ka bërë asnjë faj!!! Miri, Miri dhe vetëm Miri!!!” Në një tjetër reagim, ai shton: “Unë rrugës për t’këndu me Xhikun… Miri, Miri dhe vetëm Miri”.
Ndërkohë, edhe pse pa e përmendur drejtpërdrejt, Landi nuk ka kursyer tone të ashpra ndaj Selin, duke përdorur shprehje provokuese në nisje dhe në përfundim të reagimeve të tij. Ngjarjet e fundit kanë rritur edhe më shumë interesin e publikut për zhvillimet në shtëpinë e BBVA5, ndërsa dinamika mes banorëve pritet të intensifikohet në ditët në vijim.
