Në një episod të fundit të podkastit të saj “Khloé In Wonder Land”, Khloé Kardashian ka folur hapur për frikën që i shkakton përparimi i Inteligjencës Artificiale (IA). Ajo tregoi se video të krijuara me babain e saj të ndjerë, Robert Kardashian, duke e puthur në ballë, e bëjnë të ndihet e hutuar dhe në siklet. Babai i saj vdiq në shtator 2003 nga kanceri i ezofagut, kur Khloé ishte vetëm 19 vjeç.
“Kam tmerr nga IA,” tha 41-vjeçarja. “Jam e sigurt që njerëzit mendojnë se është e lezetshme, por edhe videot e babait tim duke më puthur në ballë, më japin të dridhura.” Ajo shtoi se shumë herë kur sheh materiale të motrave të saj, nuk mund të dallojë nëse janë reale apo të modifikuara me teknologji IA. “Nëntë herë nga dhjetë nuk janë ato reale,” shpjegoi Khloé, duke theksuar frikën që ky lloj përparimi teknologjik mund të sjellë. Kardashian gjithashtu foli për mënyrën se si e menaxhon prezencën e fëmijëve të saj, True 7-vjeçare dhe Tatum 3-vjeçar, në rrjetet sociale. Ajo tregoi se ata nuk dinë shumë për trendet në platforma si TikTok dhe se videot që bëjnë janë thjesht për argëtim dhe lojë në shtëpi, pa ekspozim të panevojshëm.
Khloé përfundoi me një mesazh të qartë: “Internet dhe inteligjenca artificiale mund të jenë shumë frikësuese. Duhet të jesh i kujdesshëm me çdo gjë që qarkullon dhe të kuptosh kufijtë e privatësisë dhe respektit.” Kjo rrëfim tregon se edhe personazhet e njohur ndihen të ekspozuar dhe të shqetësuar nga rritja e IA-së dhe ndikimi i saj mbi privatësinë dhe kujtimet personale.
