Ermiona Lekbello rikthehet sërish në ekran, këtë herë si pjesë e formatit Ferma VIP. Ish-banorja e Big Brother VIP Albania, e njohur për karakterin e saj të fortë dhe batutat pikante, pritet të jetë një nga emrat më të komentuar të këtij edicioni. Lajmi është bërë publik përmes një promoje zyrtare të publikuar nga produksioni, ku shfaqet Ermiona, duke konfirmuar kështu pjesëmarrjen e saj në reality show-n e njohur.
Pas eksperiencës në Big Brother VIP Albania, ku arriti të tërhiqte vëmendjen e publikut me qëndrimet dhe stilin e saj unik, pritshmëritë janë të larta për rolin që ajo do të ketë në “Ferma VIP”. Pjesëmarrja e saj pritet të sjellë dinamika të reja në spektakël, duke shtuar dozën e debatit, humorit dhe situatave të papritura që karakterizojnë formatin. Mbetet për t’u parë se si do të përshtatet Ermiona Lekbello në këtë aventurë të re dhe si do të pritet nga publiku në këtë kapitull të ri televiziv.
