Banorja e edicionit të katërt të Big Brother VIP Kosova, Elijona Binakaj, duket se po shijon suksesin edhe pas përfundimit të spektaklit, duke u kthyer në një nga emrat më të kërkuar për bashkëpunime reklamuese në rrjetet sociale.
Pas ekspozimit të madh që mori gjatë qëndrimit në shtëpinë e Big Brother VIP Kosova, interesimi i bizneseve për bashkëpunim me influenceren është rritur ndjeshëm. Sipas burimeve pranë saj, Elijona ka vendosur tashmë një tarifë të konsiderueshme për promovimet në profilin e saj.
Mësohet se për publikimin e një videoje reklamuese në rrjetet sociale, ajo kërkon rreth 7.500 euro. Ndërsa në rastet kur bashkëpunimi përfshin dy video promocionale, çmimi total arrin në rreth 14 mijë euro.Gjithashtu, materialet reklamuese që publikohen në profilin e saj nuk qëndrojnë përgjithmonë, pasi ato mbeten të publikuara për një periudhë të kufizuar prej rreth tre muajsh. Kjo është një praktikë që përdoret gjithnjë e më shpesh nga influencuesit për të ruajtur balancën mes përmbajtjes personale dhe asaj komerciale.
Popullariteti i Elijonës u rrit ndjeshëm gjatë rrugëtimit të saj në këtë format televiziv, ku ajo tërhoqi vëmendjen e publikut për mënyrën e komunikimit dhe qëndrimin që mbajti gjatë gjithë spektaklit.
