Reperi i njohur Getinjo duket se ka zgjuar sërish kureshtjen e ndjekësve, këtë herë jo për muzikën, por për jetën e tij sentimentale.
Pas një periudhe të qetë larg titujve rozë, artisti ka publikuar në Instagram një foto që ka marrë menjëherë vëmendje. Në imazh, ai shfaqet përballë pasqyrës, i përqafuar me një vajzë misterioze, ndërsa të dy formojnë simbolin e zemrës me duar, një detaj që për shumëkënd është konfirmim i një romance të re. Identiteti i bukuroshes mbetet ende i panjohur, pasi ajo ka zgjedhur të qëndrojë jashtë fokusit të plotë të kamerës, duke shtuar edhe më shumë misterin.
Prej kohësh, Getinjo ka treguar kujdes për ta mbajtur jetën private larg syrit të publikut, ndaj ky postim ka nxitur reagime të shumta. Fansat janë hedhur menjëherë në komente, duke pyetur: kush është vajza që i ka rrëmbyer zemrën reperit?
