Një kompliment që vlen më shumë se çdo kritikë, Adriano Celentano, një prej ikonave të muzikës italiane, ka zgjedhur të shprehë publikisht mbështetjen e tij për Ermal Metën. Ai tha: “Bravo Ermal! Kënga jote është shumë e bukur! Dhe ti e ke kënduar aq mirë sa është thuajse e pamundur që ti të mos fitosh!”
Stella Stellina është një ninulle bashkëkohore që kombinon brishtësinë me thellësinë emocionale. Kënga trajton temën e luftës pa e përmendur drejtpërdrejt, duke përdorur gjuhën e poezisë dhe imazheve evokuese. Mes fjalëve të thjeshta por të fuqishme, dëguesi ndjen dhimbjen, frikën dhe pafajësinë e thyer, duke e bërë interpretimin të jashtëzakonshëm. Vlerësimi i Celentanos nuk është vetëm një kompliment është një njohje e rëndësishme e vlerës muzikore dhe interpretative të Ermal Metës. Në një festival ku çdo detaj mund të bëjë diferencën, mbështetja e Molleggiatos tingëllon si një shtysë e fuqishme që mund të çojë këngëtarin drejt fitore.
Ermal Meta po tregon jo vetëm zërin e tij të veçantë, por edhe forcën e emocioneve që mund të transmetojë përmes muzikës, duke bërë që Stella Stellina të mbetet ndër performancat më të përmendura të këtij edicioni të Sanremos.
