Vajza e Mark Frroku, Mara Frroku, ka reaguar publikisht ndaj bashkëshortes së tij, Rudina Dembacaj, duke hedhur poshtë deklaratat e saj të mëparshme për një familje të lumtur dhe një marrëdhënie të shëndetshme me fëmijët e partnerit.
Në reagimin e saj, Mara thekson se prindërimi nuk provohet me deklarata apo postime në rrjete sociale, por me prani reale dhe përfshirje të vazhdueshme. Sipas saj, në vend të afrimit, situata ka krijuar distancë mes saj, motrës, vëllait dhe babait të tyre. “Familja mbahet me prani, jo me kontroll”, shprehet ajo, duke lënë të kuptohet se, sipas saj, nuk mjafton të paraqitesh si figurë e përkushtuar para publikut, ndërsa marrëdhëniet reale mbeten të tensionuara. Vëmendje ka tërhequr edhe fakti që në fund të deklaratës, Mara ka firmosur me emrin Mara Hanvera Frroku, duke vendosur edhe emrin e nënës, një detaj që është interpretuar si shenjë e raportit të ftohtë me të atin.
Nga ana tjetër, Rudina Dembacaj ka folur më herët për raportin me fëmijët e bashkëshortit, duke shprehur dashuri dhe përkushtim ndaj tyre, ndërsa në një intervistë të vitit 2023 deklaronte se përpiqet të jetë gjithmonë mbështetje për ta.
