Largimi i papritur i moderatorës nga programi i mëngjesit në Top Channel u bë shpejt temë diskutimi në rrjetet sociale, ku nuk munguan aludimet për një përplasje fizike me ish-kolegen Neada Muça. Pas një periudhe heshtjeje, Enxhi ka folur për herë të parë, duke dhënë versionin e saj të ngjarjes.
Gjatë intervistës, Nasufi mohoi kategorikisht çdo pretendim për dhunë: “E vërteta është kjo: në punë ka konflikte, debate. Konfrontime fizike? Kurrë. U mërzita kur lexova këto gjëra, është e shëmtuar. Nuk e doja këtë lloj vëmendjeje.” Ajo konfirmon se raportet mes saj dhe Neadës kanë kaluar një periudhë tensioni, por shton se nuk ka pasur asnjë incident fizik. Kur u pyet nëse sot ka kontakte me Neadën, përgjigjja e saj ishte e prerë: “Jo. I vlerësoj njerëzit që komunikojnë hapur dhe me transparencë. Mosmarrëveshjet duhet trajtuar me maturi, jo me dramatizim.”
Mesazhi i Enxhit duket i qartë: një kufi profesional dhe personal është vendosur, duke treguar se respekti dhe transparenca mbeten parimet kryesore në punë.
