Debatet nuk munguan në studion e Big Brother VIP Fan Club, ku e ftuara Linda Kalemi u përball me opinionistin Arjan Konomi.
Koreografja sqaroi publikisht shkrimin e saj të ashpër ndaj Selin, duke shpjeguar arsyet që e çuan drejt atij reagimi. Gjatë diskutimit, situata u tensionua kur Linda i tha Arjanit se dyshonte nëse ai kishte pasur ndonjë eksperiencë “të hidhur apo zhgënjyese” me ndonjë balerin apo balerinë, duke qenë se sipas saj ai fliste shpesh me nota kritike për këtë profesion.
Kjo deklaratë solli reagimin e menjëhershëm të opinionistit, i cili iu përgjigj ashpër:
“Je një copë torollake që ke ardhur këtu dhe po të dëgjojmë akoma. Dërr dërr dërr, dy orë… nuk po thua asgjë dhe ke edhe cinizmin të përdorësh ironi dhe sarkazëm. Turp të të vijë!” Përplasja mes tyre u bë një nga momentet më të komentuara të mbrëmjes, duke ndezur reagime edhe në rrjetet sociale.
