Një tjetër histori dashurie në showbiz-in shqiptar duket se po kalon një moment delikat. Danja Koka dhe partneri i saj Redi kanë ngritur dyshime të forta për një ndarje të mundshme, pas disa veprimeve të fundit në rrjetet sociale që nuk kanë kaluar pa u vënë re nga ndjekësit.
Fansat kanë konstatuar se dyshja nuk e ndjek më njëri-tjetrin në Instagram, një detaj që shpesh konsiderohet si sinjali i parë i një krisjeje në marrëdhënie. Por ajo që ka shtuar edhe më shumë aludimet është fakti se të dy kanë fshirë çdo foto të përbashkët nga profilet e tyre, duke “zhdukur” publikisht kujtimet e lidhjes. Ky ndryshim i papritur ka habitur jo pak publikun, duke qenë se deri pak kohë më parë çifti shfaqej shumë i afërt dhe aktiv në rrjete, ku ndanin shpesh momente nga përditshmëria e tyre.
Deri tani, asnjëri prej tyre nuk ka reaguar publikisht për të konfirmuar apo mohuar lajmet për një ndarje. Për pasojë, mbetet e paqartë nëse kemi të bëjmë me një fund përfundimtar të lidhjes apo thjesht me një krizë të përkohshme larg vëmendjes së mediave. Ndjekësit, ndërkohë, mbeten në pritje të një reagimi nga vetë protagonistët për të mësuar të vërtetën pas kësaj situate që po bën xhiron e rrjetit.
