Në një intervistë për podcastin “Zë me Mirën”, Elvis ka treguar arsyen pse vendosi të marrë pjesë në këtë reality show dhe ka zbuluar rolin e veçantë të bashkëshortes së tij, Belina, në këtë vendim. “Belina më mbushi mendjen të futesha në Ferma VIP. Në edicionin tim të parë të Big Brother VIP u largova për disa muaj për t’i dhënë qetësi jetës së familjes, por Belina mendoi se tani ishte koha të provoja diçka të re. Pa të, nuk do ta kisha bërë këtë hap,” – tha aktori.
Sigurisht pjesëmarrja e Elvisit premton momente plot humor dhe sfida të forta në natyrë, ndërsa publiku pret me padurim të ndjekë aventurat e tij dhe dinamikat me banorët e tjerë.
