Chuando Tan, gjysh, fotograf dhe model nga Singapor, vazhdon të habitë rrjetin me pamjen e tij rinore, edhe pse tashmë ka 59 vjeç. I lindur në vitin 1966, ai është kthyer në një fenomen global, duke u ngatërruar shpesh me një djalë në të 20-at.
Tan u bë viral vite më parë për shkak të paraqitjes së tij të jashtëzakonshme, ndërsa fotot e tij vazhdojnë të qarkullojnë masivisht në rrjetet sociale. Ai e lidh pamjen e tij të re me një stil jetese të disiplinuar, ushqim të pastër dhe të balancuar, stërvitje të rregullt dhe një regjim të shëndetshëm gjumi, duke mohuar ndërhyrjet kozmetike.
Para se të bëhej i famshëm online, Tan ishte një nga modelet më të njohura në Azi dhe më pas ndërtoi një karrierë të suksesshme si fotograf mode. Sot, historia e tij frymëzon mijëra njerëz të rishikojnë mënyrën se si konceptojnë plakjen dhe kujdesin për trupin.
