Teksa sezoni i ri i Ferma VIP po afron, duket se përgatitjet kanë hyrë në fazën më intensive dhe surprizat kanë nisur të dalin në dritë. Moderatorja Arbana Osmani, sipas burimeve pranë produksionit, po punon për të mbledhur një kast të fortë me emra të njohur nga fusha të ndryshme.
Sipas burimeve të Pinkante.al, një tjetër personazh që pritet t’i bashkohet këtij edicioni është kompozitori dhe pianisti i njohur Gjergj Kaçinari. Ai njihet jo vetëm për talentin e tij në muzikë, por edhe për faktin se vjen nga një familje me traditë të fortë artistike. Gjergji është djali i kompozitorit të mirënjohur Alfred Kaçinarit, një emër me peshë në muzikën shqiptare, çka e bën pjesëmarrjen e tij edhe më interesante për publikun.
Prania e tij pritet të sjellë një profil krejt ndryshe në format, duke shtuar kureshtjen për dinamikat që do të krijohen në këtë sezon të ri. Ndërsa publiku po pret me padurim emrat e tjerë që do të jenë pjesë e këtij sezoni.
