Një tjetër debat i fortë është ndezur brenda shtëpisë së Big Brother VIP Albania, këtë herë mes Selin dhe Miri. Gjatë një bisede me banorët, Selin ka ngritur pikëpyetje për marrëdhënien që Miri ka jashtë shtëpisë me partneren e tij. Ajo u shpreh se disa nga sjelljet dhe deklaratat e tij gjatë qëndrimit në format e kanë bërë të dyshojë për korrektësinë e raportit të tyre.
“Mua më ka shkuar mendja që Miri jashtë me partneren e tij nuk ka një marrëdhënie korrekte,” – deklaroi ajo, duke shkaktuar menjëherë reagime dhe diskutime mes banorëve. Disa prej tyre kërkuan më shumë sqarime, ndërsa të tjerë preferuan të mos komentojnë mbi jetën personale të tij jashtë lojës.
Nga ana tjetër, Miri ka qenë i prerë që prej fillimit të eksperiencës së tij në shtëpi. Ai ka theksuar vazhdimisht se raporti me Selinën është thjesht familjar dhe se e konsideron atë si vajzën e tij, duke mohuar çdo nënkuptim tjetër për marrëdhënien mes tyre. Deklaratat e fundit kanë rritur tensionin në shtëpi dhe pritet të sjellin përballje të reja mes banorëve në ditët në vijim.
