Reperja e njohur Loredana Zefi pritet të rikthehet në qendër të vëmendjes me një intervistë të shumëpritur në emisionin Mirëmbrëma Yje, të moderuar nga Arbana Osmani. Episodi vjen pak javë pas publikimit të projektit muzikor diss-in nga ish-partneri i saj, Mozzik, që shkaktoi reagime të shumta në publik.
Në teaser-in e publikuar, artistja flet për herë të parë hapur për situatën mes tyre, duke lënë të kuptohet se përplasjet kanë qenë të vështira, por ajo ka zgjedhur të heshtë për hir të vajzës. “E kam duruar maksimalisht për shkak të pikës sime të dobët, vajzës. Më bëj dëm mua, por jo asaj. Ai është në gjendje që për famën e vet të harrojë edhe vajzën”, shprehet Loredana në fragmentin që ka bërë xhiron e rrjetit. Deklarata vjen pasi në mini-albumin e fundit të Mozzik, një nga këngët më të komentuara përmban reflektime të forta personale, ku reperi përballet me të kaluarën, kritikat dhe rolin e tij si prind. Në vargje përmendet edhe fakti se vajza e tyre po rritet pranë partnerit aktual të Loredanës, futbollistit Karim Adeyemi.
Intervista e plotë pritet të sjellë versionin e artistes për këtë histori që ka rikthyer në vëmendje marrëdhënien e tensionuar mes dy ish-partnerëve dhe ndikimin që ajo ka pasur edhe në jetën e tyre familjare.
