Zara Larsson ka zbuluar se ka humbur një marrëveshje prej rreth 3 milionë dollarësh, pas një shakaje për abortin që publikoi në TikTok dhe që shkaktoi reagime të forta në rrjet.
Këngëtarja u shpreh se, pavarësisht pasojave financiare, nuk pendohet për deklaratën e saj. Ajo theksoi se nuk do të pranonte të bashkëpunonte me një markë që nuk ndan të njëjtat vlera mbi të drejtat e grave.
Sipas saj, bindjet personale janë më të rëndësishme se çdo përfitim ekonomik, duke treguar se është e gatshme të qëndrojë besnike ndaj parimeve të saj, edhe kur kjo i kushton shtrenjtë. Rasti ka ndezur debat në rrjet, me ndjekësit të ndarë mes atyre që mbështesin qëndrimin e saj dhe atyre që e kritikojnë për mënyrën e komunikimit.
