Një deklaratë e fortë nga Greta ka ngritur dyshime dhe diskutime mes banorëve të Big Brother VIP Albania. Gjatë një bisede me Rogerin, ajo u shpreh se e kishte menduar që para se të hynte në shtëpi se një person me lidhje do të bëhej pjesë e formatit dhe do t’i afrohej kunatës së saj, Selin. “Unë e dija para se të hyja këtu se do hynte një person që ka lidhje. Nuk është suport…”, u shpreh Greta, duke lënë të kuptohet se prezenca e Rogerit në shtëpi mund të mos jetë thjesht rastësi.
Nga ana tjetër, Rogeri reagoi menjëherë duke e pyetur: “Lidhje me çfarë? Ta suportonte? Po, nëse ndahej me atë…”. Deklarata e Gretës është interpretuar nga banorët dhe ndjekësit si një aludim për raportin e Rogerit me Selin, duke ngritur dyshime se hyrja e tij në shtëpinë e famshme mund të ketë qenë e parashikuar, pasi sipas diskutimeve ata njohin të njëjtin person, tezen e Selin.
Pas kësaj bisede, atmosfera në shtëpi u tensionua, ndërsa mbetet për t’u parë nëse kjo deklaratë do të sjellë përplasje të reja mes banorëve apo sqarime nga vetë Rogeri. Diskutimet për strategjitë dhe lidhjet jashtë shtëpisë vazhdojnë të jenë ndër temat më të nxehta të këtij edicioni.
