Britney Spears është arrestuar më 4 mars nën dyshimin për drejtim mjeti në gjendje të dehur (DUI). Këngëtarja u ndalua nga policia në mbrëmje dhe u lirua në orët e para të mëngjesit të 5 marsit, sipas raportimeve të publikuara nga TMZ. Pas ndalimit, artistja u dërgua edhe në spital për të përcaktuar nivelin e alkoolit në gjak. Ngjarja ka shkaktuar reagime të shumta në media dhe në rrjetet sociale.
Përmes një deklarate për People, përfaqësuesi i Spears e cilësoi incidentin si “fatkeq dhe të pajustifikueshëm”, duke theksuar se këngëtarja do të bashkëpunojë me autoritetet dhe do të ndërmarrë hapat e nevojshëm për të përmirësuar situatën e saj.
Sipas të njëjtës deklaratë, Spears pritet të kalojë më shumë kohë me dy djemtë e saj, Sean Preston dhe Jayden James, nga martesa me ish-bashkëshortin e saj, Kevin Federline. Familjarët e saj thuhet se po punojnë për një plan mbështetjeje që do ta ndihmojë këngëtaren të përqendrohet te mirëqenia dhe stabiliteti i saj. Marrëdhënia e Spears me djemtë ka qenë e tensionuar prej vitesh, veçanërisht pas përfundimit të kujdestarisë ligjore 13-vjeçare në vitin 2021. Në librin e tij të publikuar në vitin 2025, Federline bëri disa pretendime për gjendjen e saj, të cilat Spears i ka mohuar duke i quajtur “gaslighting”.
Këngëtarja është shprehur më parë se dëshiron të ketë një marrëdhënie më të afërt me djemtë e saj dhe shpreson që situata mes tyre të përmirësohet në të ardhmen.
