Një trend i pazakontë po tërheq vëmendje në Japoni, ku ofrohet një shërbim I veçantë, mund të marrësh me qira një burrë tërheqës jo për takim romantik apo intimitet, por thjesht për mbështetje emocionale.
Këta burra qëndrojnë pranë klientëve në heshtje, dëgjojnë me vëmendje dhe i ndihmojnë të çlirojnë emocionet, madje duke u fshirë lotët me butësi dhe pa paragjykim. Qëllimi nuk është romanca, por krijimi i një ambienti të sigurt dhe të kontrolluar ku personi mund të shprehë dhimbjen, stresin apo zhgënjimin.
Shërbimi synon të normalizojë të qarën si një formë çlirimi emocional dhe të ofrojë mbështetje njerëzore pa presion apo pritshmëri. Në thelb, mesazhi është i thjeshtë: ndonjëherë mjafton dikush pranë teje që të dëgjojë dhe të thotë, “Çdo gjë do të jetë në rregull.”
