Pas një periudhe të vështirë për shëndetin e saj, Dajana Kalo ka rikthyer aktivitetin në Instagram, duke ndarë momente nga rikuperimi i saj në Turqi, së bashku me partnerin dhe motrën. 25-vjeçarja kishte përjetuar një hemorragji cerebrale për shkak të një malformacioni arteriovenoz, që kërkonte trajtim urgjent dhe një proces të gjatë rehabilitimi. Megjithatë, pas kujdesit të specializuar mjekësor, gjendja e saj është përmirësuar ndjeshëm.
Në postimin e saj të fundit, Dajana ndan emocione të forta dhe falënderon personelin mjekësor për përkujdesjen, si dhe të gjithë ata që e mbështetën gjatë kësaj kohe. “Gjithçka ka shkuar shumë mirë. Do të vazhdoj përpara me energji pozitive, siç më njihni,” shkruan ajo, duke transmetuar optimizëm dhe forcë për ndjekësit. Kthimi i saj në rrjetet sociale shënon një moment gëzimi dhe lehtësimi për fansat, të cilët e kanë ndjekur me shqetësim gjatë gjithë rrugëtimit të shërimit.
