Lajm i bukur vjen nga jeta personale e Blero, i cili së bashku me partneren e tij, Eronitën, kanë konfirmuar se janë në pritje të një fëmije. Çifti ka ndarë lajmin emocionues me ndjekësit përmes një fotografie të ëmbël në rrjetet sociale, duke marrë menjëherë urime të shumta nga fansat dhe miqtë.
Ky moment vjen vetëm pak muaj pas martesës së tyre, duke e bërë pritjen edhe më të veçantë për dyshen. Për Eronitën, ky është fëmija i parë, ndërsa për Blero një tjetër bekim, pasi ai është tashmë baba i një vajze nga një lidhje e mëparshme.
Lajmi është pritur me shumë entuziazëm në rrjet, ku ndjekësit kanë shpërndarë urime dhe komente pozitive për çiftin. Tashmë, sytë janë te dyshja për të zbuluar më shumë detaje nga kjo periudhë e bukur e jetës së tyre.
