Këngëtari i njohur Besart Kelmendi, i njohur për publikun si “Gjesti”, është liruar pas rreth një jave qëndrimi nën masë sigurie në Prishtinë.
Pak ditë më parë, ndaj tij ishte vendosur një masë nga Gjykata Themelore, pas dyshimeve të ngritura nga Prokuroria për shkelje të procedurave ligjore dhe rregullave të sigurisë publike.
Sipas raportimeve të fundit, institucionet kanë vendosur të rishikojnë këtë masë, duke ndryshuar vendimin dhe duke e liruar artistin. Tashmë, ai do të vazhdojë të përballet me procedurat në një rrugë të rregullt ligjore, në gjendje të lirë.
Rasti mbetet ende në ndjekje nga organet kompetente deri në sqarimin e plotë të situatës, ndërsa Besart Kelmendi pritet t’i rikthehet përditshmërisë së tij.
