Debatet jashtë shtëpisë së Big Brother VIP Albania vijojnë të tensionohen, pas deklaratave të forta nga familjarët e banorëve. Së fundmi, vëllai i Rogerti, Xhuljo, ka reaguar publikisht ndaj mesazhit të babait të Selina. Pak ditë më parë, babai i Selinës deklaroi në një emision televiziv se çështja mund të zgjidhej sipas ligjeve dhe kanuneve, duke e konsideruar ofendimin ndaj vajzës si një fyerje ndaj gjithë familjes.
Në një intervistë për Shqipëria Live, Xhuljo u shpreh se deklarata të tilla nuk ndihmojnë situatën dhe se komunikimi duhet të bëhet në mënyrë private. Ai theksoi se familja e tyre nuk kërkon konflikt dhe se rruga më e mirë është dialogu i drejtpërdrejtë. “Do ishte më mirë të flitej në telefon dhe jo në televizor. Nuk duam përplasje, por qetësi,” – u shpreh ai, duke shtuar se situata nuk duhet të përshkallëzohet më tej jashtë shtëpisë.
Ai gjithashtu nënvizoi se debatet janë pjesë e lojës brenda Big Brother VIP Albania dhe nuk duhet të përfshijnë familjarët, ndërsa bëri thirrje për qetësi dhe mirëkuptim nga të gjitha palët. Ngjarja ka ndezur reagime të shumta në rrjetet sociale, duke rikthyer diskutimin mbi kufijtë mes lojës dhe jetës personale të banorëve.
