Modelja shqiptare Oriola Marashi ka reaguar publikisht në mbështetje të reperit Gjesti, i cili së fundmi është përfshirë në një çështje ligjore. Përmes një postimi në InstaStory, ajo ka ndarë një mesazh të drejtpërdrejtë ku kërkon lirimin e menjëhershëm të artistit. Në postimin e saj, modelja ka shkruar: “FREE gjestt”, duke treguar hapur mbështetjen për reperin.
Në reagimin e saj, Oriola ka kritikuar edhe mënyrën se si, sipas saj, trajtohen artistët nga disa kompani muzikore. Ajo theksoi se artistët nuk duhet të trajtohen si pronë e askujt dhe se presionet ndaj tyre shpesh kalojnë çdo kufi. “Artistët nuk janë pronë e askujt. Boll me kompani që ua nxijnë jetën artistëve dhe duan t’ua pijnë gjakun deri në pikën e fundit”, – shkruan ajo në mesazhin e publikuar.
Reagimi i modeles ka tërhequr vëmendje në rrjetet sociale dhe vjen në një moment kur çështja e Gjesti vazhdon të jetë në qendër të vëmendjes së publikut dhe mediave.
