Edicioni i pestë i Big Brother VIP Albania duket se mund të zgjasë më shumë nga sa ishte planifikuar fillimisht. Ndërsa gara po hyn në fazat më vendimtare, produksioni po shqyrton mundësinë e shtyrjes së finales.
Deri në këtë pikë të spektaklit kanë kaluar 82 ditë që nga nisja e tij, ndërsa në shtëpi ndodhen ende 14 banorë aktivë, një numër relativisht i lartë për këtë fazë të lojës. Kjo situatë ka ngritur dyshime se finalja mund të mos zhvillohet në datën e parashikuar fillimisht.
Zgjatja e spektaklit do t’i japë më shumë kohë zhvillimeve brenda shtëpisë dhe mundësi publikut të ndjekë më gjatë dinamikat mes banorëve, të cilat kanë qenë mjaft të forta gjatë javëve të fundit. Megjithatë, deri tani nuk ka një konfirmim zyrtar nga produksioni për datën përfundimtare të finales, ndërsa pritet që në ditët në vijim të bëhet e ditur se kur do të mbyllet rrugëtimi i këtij edicioni të spektaklit.
