Një moment i papritur ka ndezur rrjetet sociale, duke përfshirë dy personazhe të njohur të ekranit shqiptar. Gjatë emisionit “Robi plaket kur don vet”, ku e ftuar e radhës ishte ish-banorja e Big Brother VIP Kosova, Vivien Thanon, Robert Berisha e surprizoi atë me një puthje të papritur në buzë.
Teksa Roberti këndonte me mikrofon në dorë, ai iu afrua dhe momentalisht ndodhi puthja, duke krijuar një atmosferë të papritur dhe mjaft të komentuar. Të dy reaguan me të qeshura dhe vazhduan performancën me këngë dhe vallëzim, por ky moment ka bërë xhiron e rrjetit dhe ka nxitur reagime të shumta nga fansat. Pas eksperiencës së saj në Big Brother VIP Kosova, Vivien ka pasur një lidhje të shpejtë me Getinjon, e cila përfundoi me deklarata të forta dhe akuza reciproke. Aktualisht ajo ka nisur një romancë të re, por identiteti i partnerit mbetet sekret.
Nga ana tjetër, situata personale e Robertit është ende e paqartë. Ai është ish-bashkëshorti i Nora Istrefit dhe ka një vajzë me të, por nuk dihet nëse po vazhdon të ketë marrëdhënie me partneren e tij të tanishme apo në distancë. Ky moment, megjithëse i shkurtër, ka rikthyer vëmendjen tek Roberti dhe Vivien, dhe sigurisht do të mbetet një nga episodet më të komentuar të emisionit.
