Shtëpia e Big Brother VIP Albania pritet të ketë një hyrje të re këtë fundjavë. Fotomodelja 23-vjeçare Nikol Projko ka konfirmuar publikisht se do t’i bashkohet kastit të sezonit të pestë, duke shtuar një tjetër emër në një lojë që tashmë ka hyrë në fazë të nxehtë.
Nikol e bëri të ditur lajmin gjatë një interviste në Big Brother Radio në Top Albania Radio, ku u shpreh e entuziazmuar për eksperiencën që e pret. Ajo do të hyjë në shtëpi këtë të shtunë, duke u përballur me dinamika të forta, aleanca të krijuara dhe tensione që kanë shoqëruar javët e fundit të spektaklit.
E njohur në botën e modelingut për prezencën e saj elegante dhe stilin modern, 23-vjeçarja pritet të sjellë një frymë të re në shtëpi. Mbetet për t’u parë nëse ajo do të zgjedhë të luajë me strategji të qetë apo do të përfshihet menjëherë në debatet dhe përplasjet që kanë karakterizuar këtë sezon të BBV5.
